Məhsul kodu: 9649
İtalyan yazıçısı Karlo Kollodi dünya uşaq ədəbiyyatının ən görkəmli yazıçılarından biridir. Onun atası aşpaz, anası isə xadimə idi. Özü isə on uşaqlı ailənin ən böyük övladı idi. «Kollodi» təxəllüsünü dünyaya gəldiyi yerin adından götürən yazıçı bir çox əsər qələmə alsa da, ona dünya şöhrəti gətirən «Pinokkionun macəraları» romanı olmuşdur.
Bu roman sadə, anlaşıqlı dili, şirin təhkiyəsi və maraqlı süjet xətti ilə fərqlənir. Müəllif taxtadan düzəldilən oyuncağın – Pinokkionun timsalında yalnız azyaşlılar üçün ən maraqlı uşaq obrazlarından birini yaratmayıb, eyni zamanda bu əsəri ilə hər birimizin insan kimi yetişməsində mənəvi-əxlaqi dəyərlərin həlledici roluna diqqət çəkir.
