Məhsul kodu: 12203
O, əsərləri türk-müsəlman coğrafiyasının sərhədlərini aşaraq bütün dünyanı dolaşan elm adamıdır. Astronomiyadan tutmuş fəlsəfəyədək müxtəlif sahələrdə fərqli baxışları, yenilikçi fikirləri ilə hətta Avropa alimlərini belə, bir neçə yüz il qabaqlaya bilib. Məsələn, tarixdə ilk dəfə triqonometriyaya müstəqil elm sahəsi kimi yanaşıb. Əsasını qoyduğu Marağa rəsədxanası dünya elminə misilsiz töhfələr verib. Ömrü heç də asan keçməyib – saray həyatı da yaşayıb, sürgün həyatı da...
Söhbət bütün dövrlərin ən böyük elm və fikir adamlarından sayılan Nəsirəddin Tusidən gedir. Tanınmış tarixçi Əkbər N.Nəcəf sizə təqdim olunan bu yeni kitabında məhz onun həyatına işıq tutur. Kitabı oxuduqca, əslində, Tusini indiyədək kifayət qədər tanımadığınıza şübhəniz qalmayacaq.
