Məhsul kodu: 3735
“Zamanın əsirləri”. Müəllifin elmi-fantastikia janrında yazılmış ikinci kitabıdır. (“Yaşıl gözlü qız“ın davamı)
Yadplanetli qızın axtarışında olan məktəblilər zaman maşınında keçmişə - Daş dövrünə düşürlər. Sərt təbiət, vəhşi heyvanlar, saysız-hesabsız təhlükələrlə üzləşən uşaqlar, nəhayət, ibtidai insana rast gəlirlər. Əsərin qəhrəmanları ilə birlikdə biz də Daş dövrünün adamları ilə görüşür, onların sevinci, kədəri ilə tanış olur, necə yaşadıqlarını öyrənirik. Öyrənirik ki, rütubətli mağarada yaşayan o uşaqlar indiki yaşıdlarından o qədər də fərqlənmir: onlar da oynamağı sevir, bir-birinə kömək edir və dostluq etməyi bacarırlar. Bu maraqlı kitab bizi ulu əcdadlarımızın həyatı ilə daha yaxından tanış edir və kitabın sonuncu səhifəsini çevirəndə onlar bizə daha yaxın, daha doğma olurlar.
Əsər təbiət, tarix, coğrafiyaya aid məlumatlarla zəngindir.
