Məhsul kodu: 11836
Londonun sayılıb seçilən iş adamlarından Con Ueldon özü üçün əlamətdar bir gündə dəhşətli xəbərlə sarsılır: onun oğlu atasının ad günü ziyafətinə gələrkən qatarda müəmmalı şəkildə qətlə yetirilir. Bundan sonra detektiv dostlar Kansel və Dik sirlərlə dolu cinayətin üstünü açmaq üçün qollarını çirməyirlər. Onlar qatili tapmaqda qərarlıdırlar. Axı bu, sadəcə, dedektiv dostların peşəsindən irəli gələn vəzifəsi deyil, həm də, oğlunun qətlinə dözə bilməyib intihar edən Con Ueldon qarşısında mənəvi borcudur.
Beləliklə, gənc yazar Elgün Eyyublunun Gizli şahid əsəri ilk baxışda dedektiv janrına xas ənənəvi süjetlə başlayıb, sonradan özünəməxsus gözlənilməzlikləri ilə davam edir.
Əsər eyni zamanda, onun müəllifinin timsalında çağdaş Azərbaycan dedektiv ədəbiyyatına yeni və istedadlı bir imzanın gəlişindən xəbər verir.
Onu da deyək ki, Gizli şahid Elgünün ilk kitabı olmaqla bərabər, həm də öz qəhrəmanları - mahir dedektiv Kansellə dostu Dikin iş macəralarından ibarət seriyasından ilk əsəridir.
