Məhsul kodu: 3838
Daha çox sərgüzəştlərlə dolu hekayə və romanların müəllifi kimi tanınan amerikalı yazıçı Cek London (Con Qriffit Çeyni) 1876-cı ildə Kaliforniya ştatının San-Fransisko şəhərində doğulub. Çox kiçik yaşlarından ağır zəhmətə qatlaşmalı olan Cek London bir müddət dənizdə işləyir və bu, onda güclü təəsüratlar oyatmaqla gələcək yaradıcılığına böyük təsir göstərir. “Balıqçı patrulunun hekayələri” bir növ bioqrafik hekayələr adlandırıla bilər.
Oxucularının ürəyinə daha çox “Martin İden” romanı ilə yol tapan Londonun bundan başqa “Oyun”, “Bəyaz diş”, “Adəmə qədər”, “Əcdadların harayı” kimi povestləri, “Həyat eşqi”, “Günəşin oğlu”, “Smok Bellü hekayələri”, “Şaxtanın övladları” və digər hekayələri də maraqla qarşılanmışdır.
Hekayələrinin böyük qismi XIX əsrin sonu XX əsrin əvvəllərində Amerikada yaşanmış “qızıl sətəlcəmi” (Gold rush) zamanı Alyaskada qızılaxtaranlar və oradakı həyat tərzi barədədir. Cek Londonun əsərlərinin motivləri əsasında 50-dən artıq film çəkilmişdir.
Yaşadığı qısa muddətdə 40 möhtəşəm kitab yaza bilmişdir. Böyük yazıçı 40 yaşında, 1916-cı ildə böyrək xəstəliyindən əziyyət çəkdiyinə görə yüksək dozada ağrıkəsici qəbul edərək dünyasını dəyişib. Bəzi mənbələrdə özünə intihar etdiyi bildirilir.
