Məhsul kodu: 2084
Uşaqlıqda maddi cəhətdən heç bir çətinlik görməyən Bəxtiyar məhbəsə düşdüyü ilk gündən Sovetlər ölkəsinin ən müdhiş siması ilə rastlaşır. Hər şeyin pulla ölçüldüyü zəmanədə kobud və yırtıcı cəmiyyətin qaranlıq, üfunətli dibində, qazamatlarda yaşam uğrunda məşəqqətli, yorucu əlbəyaxaya, döyüşə girişir.
“Ölüm əgər ömürə ləyaqət gətirirsə, səni dərənin dibindən dağ zirvəsinə qaldırar” – deyirdi Bəxtiyar. O da zirvə taleyi yaşadı. Cəmisi 39 bahar… Bu sinndə insan böyük arzular, istəklərlə yaşayır. Ümidlər çox, illər qısa olur. Ömrünün yaşamalı dövründən səadət umduğu məqamlarını yaşayırdı. Və bu məqamlarda o, kişilik, ucalıq, zirvə əks etdirən “Yarımçıq ömür nağılı” yaratdı.
Qanuna olan inam hissi Bəxtiyarın həyat qayəsidir. O, əqidəsini tapmaq üçün daim məzlumların, əzilənlərin, ac-yalavacların yanına qayıdır, onların yaşamını qaydaya salmaq naminə öz həyatından keçməyə hazır olduğunu sübutlayır. Təbiətən mərd, əyilməz, dönməz bir cəfakeş idi Bəxtiyar.
