Məhsul kodu: 11807
Kitabda XX əsr Azərbaycan siyasi tarixinin ən parlaq simalarından biri olan Məmməd Əmin Rəsulzadənin həyat və fəaliyyətindən bəhs olunur. Onun yaratmış olduğu azərbaycançılıq ideologiyası 1918-ci ilin mayında yaradılmış müasir Azərbaycan dövlətçiliyinin nəzəri əsasını təşkil edir. Kitab M.Ə. Rəsulzadənin siyasi fəaliyyət sahəsində ilk addımlarından tutmuş mühacirət dövrünə kimi Azərbaycan idealı uğrunda apardığı yorulmaz mübarizənin müxtəlif mərhələlərini əhatə edir.
M.Ə. Rəsulzadənin 1917-1920-ci illərdəki fəaliyyətinə kitabda xüsusi diqqət yetirilmişdir. Həmin illərdə o, Azərbaycan türklərinin istiqlal mücadiləsinin şəksiz lideri kimi milli hərəkatın strateji xəttini müəyyənləşdirməklə bərabər, həm də bütün müsəlman Şərqində ilk respublika olan Azərbaycan Xalq Cümhuriyyətinin yaranması və möhkəmləməsi prosesinə bilavasitə rəhbərlik etmişdir.