Məhsul kodu: 11432
Britaniya hərbi zabiti, general-mayor Lionel Çarlz Denstervil (09.11.1865 - 18.03.1946) öz xatirələrində 1917-1918-ci illərdə Bakı uğrunda gedən gizli və aşkar mübarizənin detallarını ingilis dəqiqliyi ilə günbəgün təsvir etməklə, müasir tarixçilərə məşəqqətli illərin dəqiq mənzərəsini yaratmağa imkan vermişdir. Zənnimcə, bu kitab geniş oxucu kütləsinin marağına səbəb olmaqla yanaşı, həm də tarixçilərin, politoloqların, siyasətçilərin də diqqətini özünə çəkəcək. Diqqətli oxucu ingilis hərbiçisinin gündəliyinə nəzər salarkən, Qarabağ düyününün və ondan sonra törədilən Dnestryanı (Moldova), Cənubi Asetiya , Abxaziya ,(Gürcüstan), Krım , DNR , LNR (Ukraniya) yaralarının, eləcə də Suriya, Livan, Venesuela qırğınlarını törədən şər qüvvələrin ünvanını dəqiq biləcək.
Bəşərin yıtıcı simasını açıb göstərən bu əsəri tərcümə edib başa çıxandan sonra tam əmin oldum ki, əgər ali şüurlu (?) insan faciələr və fəlakətlər törətmək, bir-birinə zülm etmək üçün sərf etdiyi vaxtının, enerjisinin, vəsaitinin, qabiliyyət və bacarığının milyonda birini xeyirxah işlərə və bir-birini qorumağa sərf etsə, bu gün cəhənnəmin qır qazanları kimi qaynayan Yer kürəsi Kainatın ən dinc, ənmünbit və ən gözəl planetinə çevrilər, hamı sağlam və xoşbəxt yaşayar.