Məhsul kodu: 11283
Gözəl, əzəmətli, sonsuz, əbədi, müəmmalı... Bütün bunlar onun - ulduzlu səmanın haqqındadır. Ulduzlu səma musiqi bəstələməyə ruhlandırır, ulduzlu səma altında sevgililər gəzişir və şairlər şeir yazırlar, ulduzlu səma “əbədi” fəlsəfi suallar üzərində düşünməyə dəvət edir. Qədim yunanlar onun haqqında əfsanələr yaratmışlar. Müasir insan da özünün qayğılar və işlər ilə dolu bütün sərsəm həyatı şəraitində onu səmadakı ulduzlarsız, Ay işığı olmadan, digər planetlər haqqında yuxularsız təsəvvür etmir. Əlamətdar haldır ki, istər Günəş tutulması və ya kometaların təzahür etməsi olsun, hər hansı böyük astronomik hadisə təkcə mütəxəssislərin və ya astronomiya həvəskarlarının deyil, ümumiyyətlə, hamının, hətta astronomiyanı yalnız çoxlu elmdən sadəcə biri hesab edənlərin diqqətini cəlb edir. Belə bir fakt da təəccüblüdür ki, hər hansı başqa elmdə olduğu kimi deyil, məhz astronomiyada elmə sadiq, vurğun adamların sayı heç də az deyildir, yəqin ki, peşəkar alimlərin sayından hətta xeyli artıqdır. Astronomiyanın bütün tarixi ərzində bir çox elə hallar olmuşdur ki, məhz həvəskarlar kainatın dərk olunmasında kəşflər etmiş və yeni addım atmışlar ki, bunlar da elmin inkişafının yeni sıçrayışına gətirib çıxarmışdır.