Məhsul kodu: 11021
Azərbaycanın böyük yazıçısı İsa Hüseynov (1928–2014) XX əsrin 80-ci illərindən etibarən İsa Muğanna imzası ilə tanınmışdır. Ustad nasirin yaradıcılığında Məhşər , İdeal kimi məşhur romanlarla yanaşı, Kollu Koxa , Şəppəli , Faciə kimi povestlər də xüsusi yer tutur. Povest (uzun hekayə) janrında qələmə alınan həmin əsərlər ilk dəfə işıq üzü gördükdən sonra böyük maraqla qarşılanmış və geniş ədəbi rezonansa səbəb olmuşdur.
İndi sizə təqdim etdiyimiz kitaba İsa Hüseynovun eyni janrda yazdığı Saz , Tütək səsi və Quru budaq əsərləri daxil edilmişdir. Ədəbiyyatımızın incilərindən sayılan bu uzun hekayələrdə müəllif II Dünya müharibəsi dövründə və müharibədən sonrakı ilk illərdə Azərbaycan kəndinin sosial-mənəvi və psixoloji mənzərəsini ustalıqla yaratmışdır.
