Məhsul kodu: 10923
Albaniya tarixi (Alban ölkəsinin tarixi) əsəri albanların tarixini, I-X əsrlər Qafqaz Albaniyasının və digər xalqların tarixini öyrənmək baxımından son dərəcə qiymətli bir əsərdir. Albaniya tarixi bir çox cəhətdən – sosial, iqtisadi, siyasi,dini-ideoloji, mədəni, Qafqazın etnogenezi problemi baxımından maraq doğurur.
Xronoloji baxımdan əsər Bibliya dövründən başlayıb 999-cu ilə qədərki hadisələri əhatə edir. Quruluş baxımından üç hissədən ibarətdir. Birinci hissə Bibliya tarixindən başlanır. Albanların mənşəyi İafət nəsli ilə, özü də həmin nəslin ermənilərin mənsub olduğu budağı ilə yox, başqa budağı ilə bağlanır, göstərilir ki, albanlar öz yazısı olan on beş xalqdan biridir. Ölkənin tarixi coğrafiyası, Albaniyanın coğrafi təsviri, təbii sərvətləri, ölkənin hüdudlarının dəqiq təsviri ilə təqdim olunur. Dördüncü fəsildən Albaniyanın real tarixinin təsviri başlanır. Əsərdə göstərilir ki, ölkənin ilk hökmdarı yerli Aran şahı olmuşdur, sonra isə Alban Arşakilərindən olan hökmdarların siyahısı verilir.
